Artizarra egunez: azken argazkiak
Zamoran egon gara azken egun hauetan. Zoritxarrez lainotuta egon da gauez eta ezin izan dugu 103P/Hartley ikusten saiatu.
Zorte gehiago izan dugu egunez eta. laino artean izan bada ere, Artizarra berriz ere ikusi izan dugu, egun argiz. Hemen, argazkiak, ikusi izan ahal duguna. Artizarra erdialdera dagoen puntu distiratsua da. Antzematen da bere fasea. Urriaren 9ko argazkia da, Canon 550D kamera eta sigma 70-300mm objektiboa.
Irudia handituz, hor dugu fasea, prismatikoetatik ikusten den antzera.
Urriaren 5eko irudi bat amaitzeko. Argitaratu genuena, baina beste handipen batean. Artizarraren fasea, Oñatiko parrokiaren dorrearekin batera..
Eguzkitik gero eta gertuago dago Artizarra, zoritxarrez, eta gero eta konplikatuagoa da egun argiz ikustea. Baina tira, posible da oraindik. Zorte on!!
