Nabigatzaileaastronomia timelapsea – Nabigatzailea

Alex Cherneyren astronomia timelapseak

Manu Arregi Biziola — Thu, 11 Oct 2012 13:37:43 +0000

Alex Cherney ukraniarra da, baina Melbournen (Australia) bizi da gaur egun. Astroargazkilaritza zaletasuna 2007an pistu zitzaion bere alabaren ikastetxean espazioaren inguruko proiektu bat lantzen ari zirela. Astronomia timelapsean maisua da Alex eta gaurko lan hauek horren erakusle

2011koa da lehenengo hau eta bertan Astronomical Society of Albury Wodongak antolatutako starparty bat erakusten du. Bitxia da Magallanesen Hodeien eta Esne Bidearen zeruko hego poloaren inguruko mugimendua ikustea.

Bigarren timelapse honetan, berriz, Murchison Radio Astronomy Observatory ko radioteleskopioak agertzen dira. Bereziki polita da zein ondo ikusten den argi zodiakala sekuentzia pare batean.

Hirugarrenean Tekapo lakuko zeru ikusgarriak agertzen dira.

Berri berria da azkeneko timelapsea. Joan zen astean Australia inguruan ikusi ziren aurorak dira protagonista.

Eta, amaitzeko, ipar hemisferioko biztanleentzat hain bitxia den Orioneko konstelazioaren argazki hau. Alderantziz dago! Argazki hau APOD aukeratu zuten 2012ko uztailaren 19an.

Dawn of the Dish Image Credit & Copyright: Alex Cherney

Circumpolar motion of the stars, timelapsea

Manu Arregi Biziola — Mon, 07 Nov 2011 07:25:18 +0000

Nork esan zuen zailazela timelapse bitxi eta interesgarriak egitea?

Hemen duzue,gaurkoan Ilatargi Astronomia Taldeko Itziar Egigurenen bigarren lana. Cómo hacer un timelapse, paso a paso, baina irakaslearen aurretik dabil eta virtualdub_afterimage_filter bezalako filtro interesgarriak ere sartzen ditu.

Ez da timelapserako paisai ikusgarrien bila joan. Bere etxeko leiotik eginiko zenbait sekuetzia ditu. Baita Urbasan (Nafarroa) eginiko beste bat.

Timelapse aproposa Hartz Handia Ipar Izarrareninguruan nola dabilen ikusteko eta hau es dagoela polo-poloan.

Animatu zaitez zeu ere. Eta bidali guri egiten dituzun lanak,mesedez.

Hilerriak eta izarrak

Manu Arregi Biziola — Sat, 05 Nov 2011 10:31:51 +0000

Joan zen santu guztien eguna, baina oso aproposa da fetxa hauetarako gaur zintzilikatzen dugun timelapsea. Zenbait eszana desberdin, guzti guztiak Texas-eko hilerri desberdinetan eginikoak. Jake McKee da bere egilea eta ekipo luze bariatu bat erabiltzen du horretan: Canon 5dmk2, Canon T2i, Canon 1Dmk3, Nikon 14-24mm f/2.8, Canon 15mm f/2.8, Canon 16-35mm f/2.8, Sigma 20mm f/1.8, Canon 50mm f/1.2. Kevin MacLeodk ipinten du musika.

Astronomia timelapsea, bitxikeri ugarirekin

Manu Arregi Biziola — Fri, 11 Feb 2011 07:40:00 +0000

Aspaldi ez dugu hemen astronomia timelapserik zintzilikatu. Benetan merezi du Katholieke Universiteit de Leuvenko Astronomia Institutoan doktorautza egiten ari den Péter I. Pápics ikasle belga honen timelapseak. La Palmako Roque de los Muchachoseko Mercator telescopioan behatzen ari zela, timelapse honetan agertzen diren argazkiak ateratzeko aprobetxatu zuen. Timelapse ederra izateaz gai, bitxikeri ugari ageri dira bertan. Bitxikeriak komentatzen hasi aurretik, esan Mercator teleskopioaz gain Liverpool eta Isaac Newton teleskopioak ere agertzen direla.

Pápics berak youtubeko bere kanalean azaltzen duen bezala, zenbait momentu aipagarri bideoan:

– Zenbait satelite geosinkroniko agertzen dira 1:15 minututik aurrera. Zeru osoak itxuraz biratzen duen bitartean, geldirik ikusten diren argi horiek dira. Lerokaturik daude eta itzaltzen doaz, Lurraren itzalean sartzen doazen heinean. Ikusi ahal izateko, pantailaosora eta erresoluziorik handienean. Ingurua aurkitzeko, hona hemen ingurua borobilduta.

– Argi zodiakala Ilargiaren argiak ostopatu arren ikusten dena. 1:06 minutuan.

– Artizarra 0:48 eta 1:00 minututan agertzen da. Merkurio,berriz 1:02 minutuan.

– Ustez Teide sumendiaren itzala dena, lainoen gainean 3:43 minutuan

– Ilargi haloa 1:33 minutuan

Eta, horrez gain, sekuentzia eder mordoa, Canariaseko zeruaz gozatzeko. Laino itsasoa mugimenduan erakusten duten sekuentziak ere bereziki politak dira.

5000 argazki inguruz erabili dira timelapsea egiteko Canon EOS 7D kamera eta Canon EF-S 15-85mm f/3.5-5.6 IS USM objektiboarekin. Photoshop CS4kin egin ditu sekuentziak eta azken muntaketa iMovien.

Space Ship Earth, timelapsea

Manu Arregi Biziola — Tue, 11 Jan 2011 08:07:00 +0000

Hasiera bikaina duen timelape hau aurkitu dugu hortik zehar. Luze egiten da, baina benetan merezi duela hasierak. Lehenengo bi minutuak oso onak dira. Amaierari ez diogu zentzu handiegirik aurkitzen. Dan Eckert da egilea.

Space Ship Earth from Dan Eckert on Vimeo.

Travelings ugari sekuentzia guztietan. Erabiltzen ez den trenbideren bat ezagutzen baduzue, hemen ideia bat.

Railroad track dolly from Dan Eckert on Vimeo.