Rolando Ligustri italiarraren R1/McNaught kometaren bi animazio eder jaso ditugu. Lehenengoa ilunabarrean ateratakoa, kometa arratsaldez ere ikusten delako orain. Oso baldintza konplikatuetan, hori bai. Bere distira ez da igo eta ez da izango batzuk iragarri zuten kometa ederra. Baina merezi du.

Ez da erraza izango ez arratsaldez, ez goizez, kometa nahiko baxu egongo delako. Horizonte guztiz laua beharko dugu, ipar aldera, eta behe lainorik eta ez egotea. Jai dugu bestela.

Ekainaren 23ko arratsaldekoa da lehenengo animazioa eta hurrengo goizekoa, ekainaren 24koa bigarrena. Erreferentzia bezala bi izar distiratsu planoan: pi aurigae goikoa eta beta aurigae azpikoa.

Irudi originalak ezin ditugu ipini, handiegiak direlako originalak (ez gehiegi ere). Hemen dauzkazue konprimituta, idea bat egiteko, baina, benetan gozatzeko, joan jatorrizko irudietara, merezi du eta.

Jatorrizko irudia, hemen

Jatorrizko irudia, hemen