Aste honetan Cassini zundak abenduaren 24an Satunoko ekaitza erraldoiari ateratako argazki bat erskutsi genuen. Filtro desberdinekin ateratako argazkiak inongo tratamendurik gabe argitaratu ditu NASAk. Hemen dituzue Cassiniren web orrian, target jartzen duen tokian Saturn aukeratuz eta return sakatuz.

Josep Mª Forrelladek, argazki hauek hartu eta trikomia bat muntatu du, emaitza ikusgarri hauek lortuaz.

Ez da hain erraza Cassini bezalako zunda bat birprogramatu eta egun batetik bestera objektiboz aldatzea, baina ziur NASAk ekaitza honen jarraipenari lehentasuna ematen diola eta laster argazki ikusgarri gehiako ikusteko aukera dugula. Baina tira, zai gauden bitartean, ez da gaurko hau aperitibo txarra.