Nabigatzaileamerkurio – Nabigatzailea

Merkurio, Daniele Gasparri-ren eskutik

Manu Arregi Biziola — Tue, 18 Jun 2013 16:30:52 +0000

Jarri genituen Daniele Gasparriren zenbait lan blog honetan iaz: Daniele Gasparriren planeten argazki zoragarriak. Merkurioren argazki zoragarri berri batzuk argitaratu ditu orain. Ez da erraza Merkurio ikustea, Eguzkitik gertu ibiltzen delako beti. Egun hauetan bezala begibistaz ikusteko moduan dagoenean, oso bau egoten da eta atmosferako turbulentziak konplikatu egiten du bere behaketa.

Nola lortu irudi hauek? Egunez lana eginda. Argazkiak eguerdi aldera daude aterata, 14:46 eta 14:53 italiako orduan. Teleskopioa C14 da eta Lumenera LU075m kamera. Hemen duzue bere lan metodoa: Mercury and Venus imaging.

Jupiter, Artizarra eta Merkurioren konjuntzioa, argazkitan

Manu Arregi Biziola — Mon, 27 May 2013 21:38:28 +0000

2013ko maiatzaren 26an | Egilea: Thierry Legault Mont Saint Michel, Normandy, France

Ez dugu eguraldia oso lagun izan, baina hor ditugu, sarean, astebukaera honetan zehar ikusgai izan dugun konjuntzioaren argazkiak. Thierry Legault ezaguna ere animatu da oraingoan eta berea da sarrera honen buruan duzuen argazki ederra: hiru planetak , Mont Saint Micheletik.

Igandean egon dira, gertuen, hiru planetak. Hemen dituzue orain arte Spaceweatherreko galerian argitaratu dituzten ederrenak.

2013ko maiatzaren 23an | Egilea: Jose Ramon Saez, Hellin (Spain)

2013ko maiatzaren 24an | Egilea: Constantine Emmanouilidi

2013ko maiatzaren 24an | Egilea: Charlie Bates Solar Astronomy Project

2013ko maiatzaren 25ean | Egilea: Mark A. Brown

2013ko maiatzaren 26an | Egilea: Alexandre Croisier

2013ko maiatzaren 26an | Egilea: Andrej Dubos Martin

David Hough Warners Bay NSW (Australia)

26 de mayo de 2013 | Autor: Jeff Dai Chongqing, China

26 de mayo de 2013 | Autor: Michael OMelia, Brooklyn, NY

Planeten dantza, astebukaera honetan zehar

Manu Arregi Biziola — Fri, 24 May 2013 14:14:46 +0000

Iturria: http://stardate.org

Eguraldia lagun badugu, planeten dantza ikusiko dugu astebukaera honetako ilunabarretan. Jupiter, Artizarra (Venus) eta Merkurio mendebandeko horizontean elkartuko dira ilunabarreab. Oso nabaria izango da, erreferentziei esker, Merkurioren mugimendua egunetik egunera.

Planetak ikusi ahal izateko, mendebaldeko horizontea ahalik eta garbien izan behar dugu. Iluntzen hasi ahala komeni da aukeratutako behatokian egotea. Ikusiko dugun lehenengo planeta Artizarra iazngo da. Poliki poliki, besteak ikusten hasiko gara, haren inguruan.

Horrela aldatuko dira gauzak egunetik egunera.

Irurria: Astroeduca

Hemen bideoan:

Merkurio eta Marte, ilunabarrean

Manu Arregi Biziola — Sat, 09 Feb 2013 11:20:52 +0000

Atzo zen egunik onena baina gaur ere posible da Merkurio eta Marte ilunabarreab horizontetik gertu batera ikustea. Horizontea zenbat eta lauaua izan, hobe. Astro distiratsu bat ikusiko dugu. Merkurio. Eta apur bat beherago, beste bat, nahiko ahula. Marte.

GARAn argitaratuko duten elkarrizketa egin zidaten aurrekoan. Grazia egin zidan elkarrizketaren zirriborroan gazetariak zenbat aldiz aipatzen nuen Zamorako zerua idaztea. Atzo gogoratu nuen zergatik. Egun batzuk pasatzera etorri naiz Zamorara. Eta hor da, berriz ere, zeru zoragarria. Ez nekien ezer konjuntzio honetaz. Baina berehala konturatu nintzen horizontetik gertu ikusten nuen izar hura Merkurio zela. Eta bere ondoan beste izartxo bat zegoen. Gaur jakin dut Marte zela. Gure herrien argitasunean eskutatuta bizi gara. Eta naturarekin kontaktua galdua galdua dugu. Pena bat.

Planetan dantza, argazkietan

Manu Arregi Biziola — Fri, 02 Mar 2012 10:34:00 +0000

Egun hauetan ikusten ari garen planeten konjuntzioaren argazkiak gaurkoan. Datozen egunetak izango dira Merkurio begibistaz ikusteko momenturik onenak. Aprobetxatu.

Durangoko Astronomia Gelako Esteban Estebanek, Bilbotik harrapatu zuen Merkurio, Iberdrola dorrearekin batera. Otsailaren 22an.

Merkurio eta ilgora, Bilbotik. Egilea: Esteban Esteban

Merkurio Bilbotik. Egilea: Esteban Esteban

Jupiter, Artizarra, Ilargia eta Merkurio, Méxicotik,otsailaren 23an. Egilea: Saul Grijalva Varillas

Hellín-eko (Albacete) IES Izpisúa Belmonteko irakaslea den Jose Ramón Saezek, konjuntzioaren argazki hau lortu du. Jupiter, Artizarra eta, teilatuetatik gertu, Merkurio.

Jupiter, Artizarra, Ilargia eta Merkurio, Hellínetik, otsailaren 26an. Egilea: Ramón Saez

Baina beti dago nor piska bat urrutiago doan. Agrupación Astronómica de la Región de Murciako Pedro Andanuche Ayalak, Puerto Lumbrerasen (Murcia) dagoen Cabezo de la Jarako behatokitik Urano ere hor dagoela erakusten digu.

Planeten konjuntzioa, otsailaren 26an. Egilea: Pedro Andanuche Ayala

Manolo Castillok, berriz, otsailaren 25ean Ilargia Artizarretik gertu zegoela aprobetxatuz, egunez ikusi zuen. Hemen froga.

Artizarra eta Ilargia, egunez. Otsailaren 25ean. Egilea: Manuel Castillo

Eta hemen bere beste argazki bat, gauez. Chiclanatik (Cádiz), Torre del Puerco-rekin batera.

Konjuntzioa, Chiclanatik. 2012ko otsailaren 24an. Autor: Manuel Castillo

Amaitzeko Ilatargi Astronomia Taldeko kidea den Itziar Egigurenen argazkia, Oñatitik. Hor da, kasu honetan ere, Urano.

2012ko otsailaren 27an. Egilea: Itziar Egiguren

Planeten dantza, ilunabarrean

Manu Arregi Biziola — Mon, 27 Feb 2012 16:00:46 +0000

Astebukaeran ez dugu eguraldi aproposik izan, baina antizikloa gain gainean dugunez berriz, ilunabarretako planetan konjuntzioa jarraitzeko aukera izango dugu, datozen egunetan. Inguruan ibiliko da Ilargia. Baita ikusteko hain konplikatua den Merkurio planeta.

Merkurio ikusi ahal izateko, ezin bestekoa da horizonte laua izatea. Panorama hau izango dugu datozen ilunabarretan, mendebaldera begiratuz.

2012ko otsailaren 27an

2012ko martxoaren 2an

Martxoaren 5ean izango dira Merkurio ikusteko baldintza onenak.

2012ko martxoaren 5an

Ordutik aurrera, eta astebeteko epean, Jupiter eta Artizarra gerturatzen joango dira. 14 izango dute distantziarik laburrena, 3º ingurukoa. 6 bat ilargi heren artean.

2012ko martxoaren 14an

Showari amaiera emateko, martxoaren 25ean argazki eder hau ateratzeko aukera izango dugu. Jupiter, Artizarra eta Ilargia Orion, Sirio eta Tauro ondoan. Ederra izango da!!

2012ko martxoaren 25ean

Egunsentiko konjuntzioa, iruditan

Manu Arregi Biziola — Tue, 17 May 2011 12:45:00 +0000

Ez dugu hemendik gauza handirik ikusi, baina hemen dauzkagu egunsentiko konjuntzioaren irudi batzuk. Hego hemisferiotik eginikoak dira, ekliptikaren posizioa dela eta, baldintza hobeagotan ikusten ari direlako handik espektakulua. Desberdintasuna nabaritzeko, hone hemen Stelllariumarekin egikiko simulazio batzuk. Maiatzaren 13rako da. Horrela ikusten dute Córdobatik (Argentina).

Eta horrela hemendik.

Hau zergatik den ulertzeko, Ciencia y tecnología espacialeko Julio Nardónek Celestiarekin eginiko simulazioa. Ilargirako da, baina berdin da. Bideoan agertzen den bezala ikusten ari dira hego hemisferiotik. Gu “bola” berdinaren gainean gaudenez baina ezkerrerago (iparraldera) etzanago ikusten dugu ekliptika.

Melissa Hulbertenak dira hurrengo irudiak, Sydney maiatzaren 13an. Spaceweather, argitaratu ditu argazki hauek. Planeta bakoitza zein den jakiteko, jo sarrera honetako lehenengo irudira.

Egunak aurrera egin ahala, posizioak aldatu egin dira. Hemen dugu nola zeuden maiatzaren 16an. Julio Nardónena (Argentina) da lehena. Tom Cocchiarorena bigarrena, Endeavourrakin batera.

Merkurio eta Jupiter, mendebaldean

Manu Arregi Biziola — Wed, 23 Mar 2011 13:03:00 +0000

Lainoak, lainoak eta laino gehiago. Besterik ez inguru hauetan aurrekoa astean. Hori dela eta ez genuen Merkurio eta Jupiter mendebaldeko horizontean ikusteko aukerarik izan. Orain ez da posible, Jupiter geroz eta baxuago bai dago. Hor dago, hala ere, Merkurio, nahiko baldintza honetan ilunabarreko lehenengo ordutam.

Ez genuen guk ikusi, baina hemen dauzkagu Manuel Castillok Cadizetik ateratako konjuntzioaren argazkiak. Ez da gauza bera, baina tira. Flickreko bere orrian duzue lan guztia. Martxoaren 16koa da lehena, agun batzuk beranduagokoa bigarrena. Ezkerrean Jupiter, eskuinean, gero eta gorago, Merkurio.

Aukera ona Merkurio arratsaldez ikusteko

Manu Arregi Biziola — Mon, 14 Mar 2011 17:03:00 +0000

Aukera polita izango dugu datozen egunetan Merkurio begibistaz ikusteko. Kasualitatez, justu aste honetan heltzen da bertara Messenger zunda, Eguzki sistematik buelta mordoa eman eta gero. 2004ko abuztaren 3an jaurti zuten zunda eta, Eguzki Sistema barrenetik hamaika “karanbola” eman eta gero, gaur heltzen da bertara, 18an orbita definitiboan kokatzeko.

Behaketari dagokionez, arratsalde hauetan nahiko baxu aurkituko duzue mendebaldeko ilunabarreko zeruan. Jupiterretik gertu egongo da, horrek bilaketa asko erraztuz. Guzti honen inguruan hitzegiten duteUniverse Todayn ikusitako bideo honetan.

Eta hemen bideotik hartutako irudi batzuk.

Orain dela urtebete ere. izan genuen Merkurio ondo ikuteko aukera, Merkurioren ondoan orduan Artizarra (Venus) egon arren. Horrek ikusgarriagoa egin zuen iazkoa, Artizarraren distira handiagoagatik, baina hau ere ez da makala izango. Ea ikusteko aukera dugun.

Uda honetako planeten dantza, argazkietan

Manu Arregi Biziola — Thu, 02 Sep 2010 09:02:00 +0000

Ordua da apurka-apurka normalidadera bueltatzen joateko. Uztaila amaieran eta abuztuan zehar, hor egon dira, mendebaldeko horizontean, planetak dantzan. Argazki guztiak Zamoran ateratakoak dira.

Argazkiak planeten izenak ipinita lehenengo eta izenik gabe ondoren.

Azkeneko argazkian, uztailaren 27koa, Merkurio dago. Ezin izan nuen besteekin batera jaso, oso baxu zegoelako.

Argazkiak erresoluzio hobeagoan deskargatu ahal izateko, jo Flickr-eko nere orrira.

2010eko uztailaren 26a

2010eko uztailaren 27a

2010eko abuztuaren 2a

2010eko abuztuaren 11ka

2010eko abuztuaren 13a

2010eko abuztuaren 20a

2010eko abuztuaren 25a

2010eko uztailaren 26a

2010eko uztailaren 27a

2010eko abuztuaren 2a

2010eko abuztuaren 11a

2010eko abuztuaren 13a

2010eko abuztuaren 20a

2010eko abuztuaren 25a

2010eko uztailaren 27a, Merkurio

Merkurio uztailaren 27an ateratako argazkian. Bigarren argazkian (lehenengoaren zati bat) ikusten den puntu gorria, gertu dagoen argi gorriaren islapen bat da.