Nabigatzaileamarte – Nabigatzailea

Merkurio eta Marte, ilunabarrean

Manu Arregi Biziola — Sat, 09 Feb 2013 11:20:52 +0000

Atzo zen egunik onena baina gaur ere posible da Merkurio eta Marte ilunabarreab horizontetik gertu batera ikustea. Horizontea zenbat eta lauaua izan, hobe. Astro distiratsu bat ikusiko dugu. Merkurio. Eta apur bat beherago, beste bat, nahiko ahula. Marte.

GARAn argitaratuko duten elkarrizketa egin zidaten aurrekoan. Grazia egin zidan elkarrizketaren zirriborroan gazetariak zenbat aldiz aipatzen nuen Zamorako zerua idaztea. Atzo gogoratu nuen zergatik. Egun batzuk pasatzera etorri naiz Zamorara. Eta hor da, berriz ere, zeru zoragarria. Ez nekien ezer konjuntzio honetaz. Baina berehala konturatu nintzen horizontetik gertu ikusten nuen izar hura Merkurio zela. Eta bere ondoan beste izartxo bat zegoen. Gaur jakin dut Marte zela. Gure herrien argitasunean eskutatuta bizi gara. Eta naturarekin kontaktua galdua galdua dugu. Pena bat.

Curiosity-ren jeitsieraren bideo berria

Manu Arregi Biziola — Tue, 18 Sep 2012 12:25:15 +0000

Badira hortik zehar Curiosityren jeitsieraren zenbait bideo. Fernando Cabrerizok bere muntaketa partikularra egin du, ikustea merezi duena. Bertan jeitsieraren animazioa, irudi errealak eta kontrol zentruko irudiak bateratu ditu. hau ikustea jeitsiera zuzenean jarraitzea bezala da.

Ikusi, besterik ez bada, 4. minututik aurrera gertatzen dena. Ikarragarria isiltasun hori.

Curiosity Landing on Mars from fercapa on Vimeo.

Saturno eta Marte, abuztuko ilunabarretan ikusgai

Manu Arregi Biziola — Thu, 09 Aug 2012 11:01:53 +0000

Konjuntzio bitxi bat dugu ikusgai abuztuko ilunabarretan. Spica tik gertu daude Saturno eta Marte, hiruren artean triangelu bitxi bat osatuz. Gaueko lehenengo orduetan daude ikusgai, mendebaleko horizonteruntz.

Saturno, Spica eta Marte 2012ko abuztuaren 9an

Azkar mugitzen da Marte. Abuztuaren 14an Saturno eta Spica artean izango da.

Saturno, Spica eta Marte 2012ko abuztuaren 14an

Hilabetea aurrera joan ahala, beste triangelu bat sortuko da.

Saturno, Spica eta Marte 2012ko abuztuaren 20an

Aukera ederra planetan mugimentua nabaritzeko.

Behaketa proposamenak: Eros eta Marte

Manu Arregi Biziola — Fri, 03 Feb 2012 10:09:43 +0000

Bi behaketa proposamenekin gatoz gaurkoan. Epe motzera bat, epe ertainera bestea

Eros asteroidea

Komunikabideetan entzungo zenuten bezala, oso gertu dugu Eros egun hauetan 26,7 milioi kilometrotara. Distantzia horretara inongo arriskurik ez, baina 1975tik ez da hain gertu egon eta hori da albistea. Ez da asteroide handienetarikoa, bere 33 kmko diametroa, asteroide handienetik oso urruti gelditzen baita (Ceres dahandiena, 457 kmkin).

Erosen garrantzia, Ilargia alde batera utziz, gerturatzen diren gorputzik handiena delako (gerturapen erlatiboa, noski, zenbakiak ikusiz). Hori dela etabidali genuen hara Near uen fntzia 2000ko otsailean. Hona hemen irudi batzuk.

Egun hauetako gertutasun hori dela eta, aukera paregabea dugu asteroide hau ikusteko. 8.6komagnitudearekin katalejoekin ikusteko moduan dago, erraza ez izan arren. Leo-tik gertu dagoen Sextantearen konstelazioan dago. Erreferentzia gutxi izarren artean aurkitzeko. Hemen dago Sextantea gauaren lehenengo ordutan:

Sur Astronómicokoekargitaratu duten mapa hau lagungarri izan daiteke. Hemenduzueoriginala. Kontuz, hego hemisferiorako da eta. Alderantziz hartu behar dugu hemen, behean duzuen modura.

Eros a principios de febrero de 2012. Crédito: Sur Astronómico

Marten mugimenduaren jarraipena

Ingurune berean da gure gaurko bigarren proposamena. Epe luzera hau. Urte ona da Marte ikusteko, eta hor da, aurreko Stelariumeko kapturan.

Teleskopioarekin ikusteaz gain, gure proposamena bere mugimendua jarraitzea da. Begibistaz, marraztuz edota argazkien bidez. Hau da ekainerarte izango duen mugimendua.Iturria: AstroBob.

Marte, 2012eko otsailerik ekainera. Iturria: AstroBob

Tira, merezi du ahalegina egitea. Ematen duena baino errazagoa da.

Egunsentiko konjuntzioa, iruditan

Manu Arregi Biziola — Tue, 17 May 2011 12:45:00 +0000

Ez dugu hemendik gauza handirik ikusi, baina hemen dauzkagu egunsentiko konjuntzioaren irudi batzuk. Hego hemisferiotik eginikoak dira, ekliptikaren posizioa dela eta, baldintza hobeagotan ikusten ari direlako handik espektakulua. Desberdintasuna nabaritzeko, hone hemen Stelllariumarekin egikiko simulazio batzuk. Maiatzaren 13rako da. Horrela ikusten dute Córdobatik (Argentina).

Eta horrela hemendik.

Hau zergatik den ulertzeko, Ciencia y tecnología espacialeko Julio Nardónek Celestiarekin eginiko simulazioa. Ilargirako da, baina berdin da. Bideoan agertzen den bezala ikusten ari dira hego hemisferiotik. Gu “bola” berdinaren gainean gaudenez baina ezkerrerago (iparraldera) etzanago ikusten dugu ekliptika.

Melissa Hulbertenak dira hurrengo irudiak, Sydney maiatzaren 13an. Spaceweather, argitaratu ditu argazki hauek. Planeta bakoitza zein den jakiteko, jo sarrera honetako lehenengo irudira.

Egunak aurrera egin ahala, posizioak aldatu egin dira. Hemen dugu nola zeuden maiatzaren 16an. Julio Nardónena (Argentina) da lehena. Tom Cocchiarorena bigarrena, Endeavourrakin batera.

Horrela izango da Martera joango den hurrengo ontziaren lurreraketa ikusgarria

Manu Arregi Biziola — Thu, 07 Apr 2011 23:58:00 +0000

Spirit eta Opportunityk Marte azalean “bizirik” iraun arren -justu justuan, lehenengoaren kasuan bereziki, betirako geratu bait da arean ataskatuta-, gertu du NASAk Martera joango den hurrengo misioa. Azaroaren bukaeran abiatuko da, 2012ko abuztuan heltzeko. Curiosity du izen ontziak. Gizakia beste planeta batean inoiz jarri duen aparaturik konplexuena izango da. Ea guztia ondo doan et berri interesgarriak bidaltzen dituen.

NASAk lurreratzea nolakoa izango den azaltzen duen bideo bat argitaratu du. Ikusgarria benetan. Hori lortzen badute, ingenieritzaren lorpen izugarria izango da.

Hemen duzue bideoa.Ikusgarriena 2:00 minutuan hasten da.

Universe Todayn ikusi dugu.

Fobosen igarotzea, animazioan

Manu Arregi Biziola — Mon, 27 Dec 2010 09:57:00 +0000

Zientziak zerbait ona badu zera da: gauzak konprobatu egin daitezkela. AstroDidáticoko Raúl Martínez-Moralesek NightShade programarekin atzo erakusten genuen Fobosen igarotzea benetan izan zela eta iraupen horrekin gainera. Hasiera batean, bideo originala ikusi genuenean, igarotzea azkarragia zela iruditu zitzaigun. Baina Durangoko Astronomia Gelako Esteban Estebanek, Bizkaiko Astronomia Taldearen korreo listan bitartez, Fobosek 7 ordu 39 minutu besterik ez duela behar Marteri bira bat emateko, oso azkar, eta, hori dela eta horrelako igarotze batek 20 bat segundoko iraupena izango zuela. Benetan bitzia izan behar du Marteko gauetan Fobos eta Deimos hain azkar mugitzen ikustea..

Diogun bezala Raúl Martínez-Moralesek Opportunity azaroaren 9ko posizioa bilatu du eta Fobosen igarotzea simulatu du. Eta NASAren bideoan ikusten den bezala gertatzen da.

Musika jarri eta youtuben ere baduzue.

Gogoratu dezagun NASAn bideoa.

Igarotzea Stellarium eta StarryNightekin ere simulatu ahal omen da.

Lan bikaina, Raúl!! Asko ikasi dugu historia txiki honekin.

AstroDidácticon duzue Raulen artikulu originala.

Fobosen Eguzki aurreko igarotzea

Manu Arregi Biziola — Sun, 26 Dec 2010 23:48:00 +0000

Spirit eta Opportunity ibilgailu robotikoak Marten daude 2004tik. Eta oraindik ere funtzionamenduan daude, Spirita arean ataskatuta egon arren. Aste honetan NASAk Opportunityk azaroan ateratako argazki batzuren bi timelapse argitaratu ditu. Zenbait tokitan agertu dira timelapse hauek, baina gure ustez interes gutxien duen timelapseari garrantzi gehien emanez. Eguzki aurreko Fobos satelitearen igarotzea erakusten duen timelapsea da interesgarriena, gure ustez.

Marte azaletik ikusita, Fobosek Eguzkiak baino diametro txikiagoa du eta ez du, hori dela eta, Eguzkia guztiz eklipsatzen. Badirudi fenomeno arraroa dela, Opportunityaren kasuan bezala, toki konkretu batean bazaude. Azaroaren 9an, Eguzkia sartu aurretik eta bere kamera panoramikoarekin (PanCam) 4 segunduan behin argazki bat atera zuen, 30 segundu irauten duen igarotzea erakusteko. Ez du, zoritxarrez, kalitate gehiegirik, baina benetan bitxia da. Horrela montatuta, igarotzearen benetako iraupena simulatzen du bideoak.

Eguzki sarrerarekin amaituko dugu. Azaroaren 4 eta 5ean ateratako argazkiak konbinatzen ditu. Azeleratuta dago fenomenoa kasu honetan, baina benetakoa da zeruaren kolore urdina. Lurrean zerua egunez urdina eta arratsalde edo egunsentietan gorria den bezala, alderantziz gertatzen da Marten. Bitxia hau ere, ez bestea beste.

Uda honetako planeten dantza, argazkietan

Manu Arregi Biziola — Thu, 02 Sep 2010 09:02:00 +0000

Ordua da apurka-apurka normalidadera bueltatzen joateko. Uztaila amaieran eta abuztuan zehar, hor egon dira, mendebaldeko horizontean, planetak dantzan. Argazki guztiak Zamoran ateratakoak dira.

Argazkiak planeten izenak ipinita lehenengo eta izenik gabe ondoren.

Azkeneko argazkian, uztailaren 27koa, Merkurio dago. Ezin izan nuen besteekin batera jaso, oso baxu zegoelako.

Argazkiak erresoluzio hobeagoan deskargatu ahal izateko, jo Flickr-eko nere orrira.

2010eko uztailaren 26a

2010eko uztailaren 27a

2010eko abuztuaren 2a

2010eko abuztuaren 11ka

2010eko abuztuaren 13a

2010eko abuztuaren 20a

2010eko abuztuaren 25a

2010eko uztailaren 26a

2010eko uztailaren 27a

2010eko abuztuaren 2a

2010eko abuztuaren 11a

2010eko abuztuaren 13a

2010eko abuztuaren 20a

2010eko abuztuaren 25a

2010eko uztailaren 27a, Merkurio

Merkurio uztailaren 27an ateratako argazkian. Bigarren argazkian (lehenengoaren zati bat) ikusten den puntu gorria, gertu dagoen argi gorriaren islapen bat da.

Planetak ilunabarrean: argazkiak

Manu Arregi Biziola — Wed, 28 Jul 2010 14:45:00 +0000

Saiatu zineten planetak ikusten?. Zamoran nago neu eta hemendik, zeru garbia eta horizonte laua , horrelakoak ikustea errazagoa da. Hemen atzo ateratako argazki batzuk. Ez dago Merkurio lehenengoan, oso baxu dagoelako eta ez da erraza besteekin batera ateratzea. Ea datozen egunetan.

Ezkerreko argi distiratsu biak Saturno (ezkerreen dagoena) eta Marte bestea. Izarra da inguru horretako hirugarrena, Virgoko Beta izarra. Artizarra (Venus), eskuineko argi distiratsua da.

Hemen orain Merkurio. Hain baxu dago, ez dela argazkian ikusten. Bai anpliazioan, non Regulusen azpian agertzen den. Ez despistatu argi gorriarekin, antena baten argi gorriaren isla besteri kez delako. Hemennola dauden, Astrobobetik hartutako irudian. Argazki hau beste kokagune batetik aterata dago. Ez konparatu biak errota erreferentzia bezala hartzeko Merkurio aurkitzeko. Posizio erlatiboa sarrera honen azken irudian duzue.

Hemen posizio erlatiboa, Spaceweatheretik hartutako grafikoan. Eta hemen datozen egunetakoa: uztailak 28 , uztailak 29, uztailak 30, uztailak 31 y abuztuak 1.