Ilunabarra Donostian, Iridium flasharekin| Egilea: Jon Teus

Telefono mugikorrentzan sortutako satelite taldea dira Iridium-ak. Bereziak dira, oso flash fokalizatuak jaurtitzen dituztelako. Irudia ikusiz ulertuko duzue zergatia.

Hain fokalizatuta daude, herri batean distira izugarria ikusten dela eta ondokoan berriz, txikia. Nola aurresan distira hauek zure kokagunetik? Oso erraz.  Heavens-Above erabiliko dugu horretarako. Hemen duzue jarrai bidea

1.- Heavens-Aboven sartu
2.- Gure estatua aukeratu (Spain)  eta gure herria. Adi idazkerarekin. Bergara, adibidez, Vergara da. Lleida, Lerida. Sartu hor.
3.- Gure herriko orrian sartuta Satellites atarian Iridium Flares aukeratu.

Han ikusiko ditugu gure herritik datozen egunetan ikusiko ditugun distirak.

Bergararako dira hauek. Han ez bazaude, ez dute balio. Begiratu lehenengo zutabeari. Zenbat eta negatiboagoa, hobe. Adi azkeneko zutabean ipintzen duenarekin, egunez ematen diren distirak ere aurresaten ditu. Hasteko, gauez ikusiko den bat aukeratu. Aukeratuta, horrelako mapa sortuko digu.

Flasha ikusteko, izarra markatzen duen zeruko zonaldera begiratuta, nahikoa. Ez baduzu zerua ezagutzen, puntu kardinalekin orientatuta nahikoa. Han markatzen duen ordurako apur bat falta denean, argi bat mugmenduan ikusiko dugu. Gero eta distira handiagoa duena. Hor da!

Manolo Castillo lagunak fenomenoa nolakoa den ulertzeko lagunduko digun bideoa argitaratu berri du. Berak dioen bezala, idea bat egiteko besterik ez da. Zuzenean ikusita, askoz ere ikusgarriagoa da. Animatu zaitez eta ikusi! Iragartzen ikasten duzunean, harritu egingo dituzu zure lagunak horrelako fenomenoak aurresanez!

Iridium sateliteen distira bikoitza Orionen | Egilea: Jesus&Pepa

* Ez badakizu Iridium sateliteen distirak aurresaten,bihar azalduko dugu nola

Pepa eta Jesús, Tiempo de estrellas, afizio handiko astronomia zale bikotea da. Eta afizio horrek saria izan du. Bere etxetik 15 kmtara joan ziren otsaila erdialdera -8 magnitudeko Iridium satelite baten distira izugarria ikustera. 1 minutuko espozizioa zuen argazkiak, jarraipena plantxeta ekuatorialakin eginez. Distira gertatu baino 9 segundu aurretik, beste bat ikusi zuten, zonalde berdinean, argazkian ere agertuz

Zer gertatu zen? Iridium 7aren distiraren zai zeuden (eskuinekoa irudian) baina Iridium 51a agertu zen aurretik. 2012ko uztailetik  Iridium 51k, Iridium 7aren lana osatzen du. Adi,beraz, Iridium 7aren distirei, saria izan al du eta.

Informazio gehiago Pepa eta Jesusen blogean: Doble destello de Iridium en Orión

Iridium sateliteendistira bikoitza Orionen,handituta | Egilea: Jesus&Pepa