Nabigatzaileaartizarra – Nabigatzailea

Jupiter, Artizarra eta Merkurioren konjuntzioa, argazkitan

Manu Arregi Biziola — Mon, 27 May 2013 21:38:28 +0000

2013ko maiatzaren 26an | Egilea: Thierry Legault Mont Saint Michel, Normandy, France

Ez dugu eguraldia oso lagun izan, baina hor ditugu, sarean, astebukaera honetan zehar ikusgai izan dugun konjuntzioaren argazkiak. Thierry Legault ezaguna ere animatu da oraingoan eta berea da sarrera honen buruan duzuen argazki ederra: hiru planetak , Mont Saint Micheletik.

Igandean egon dira, gertuen, hiru planetak. Hemen dituzue orain arte Spaceweatherreko galerian argitaratu dituzten ederrenak.

2013ko maiatzaren 23an | Egilea: Jose Ramon Saez, Hellin (Spain)

2013ko maiatzaren 24an | Egilea: Constantine Emmanouilidi

2013ko maiatzaren 24an | Egilea: Charlie Bates Solar Astronomy Project

2013ko maiatzaren 25ean | Egilea: Mark A. Brown

2013ko maiatzaren 26an | Egilea: Alexandre Croisier

2013ko maiatzaren 26an | Egilea: Andrej Dubos Martin

David Hough Warners Bay NSW (Australia)

26 de mayo de 2013 | Autor: Jeff Dai Chongqing, China

26 de mayo de 2013 | Autor: Michael OMelia, Brooklyn, NY

Planeten dantza, astebukaera honetan zehar

Manu Arregi Biziola — Fri, 24 May 2013 14:14:46 +0000

Iturria: http://stardate.org

Eguraldia lagun badugu, planeten dantza ikusiko dugu astebukaera honetako ilunabarretan. Jupiter, Artizarra (Venus) eta Merkurio mendebandeko horizontean elkartuko dira ilunabarreab. Oso nabaria izango da, erreferentziei esker, Merkurioren mugimendua egunetik egunera.

Planetak ikusi ahal izateko, mendebaldeko horizontea ahalik eta garbien izan behar dugu. Iluntzen hasi ahala komeni da aukeratutako behatokian egotea. Ikusiko dugun lehenengo planeta Artizarra iazngo da. Poliki poliki, besteak ikusten hasiko gara, haren inguruan.

Horrela aldatuko dira gauzak egunetik egunera.

Irurria: Astroeduca

Hemen bideoan:

Ikusi al duzue inoiz Artizarraren gerrikoa?

Manu Arregi Biziola — Tue, 21 May 2013 08:36:20 +0000

Ziur batek baino gehiagok inoiz ikusi duela, zer den jakin gabe. Ilunabarrean ikustea da ohikoa, egunsentian ere berdin berdin agertu arren. Eguzkiaren kontrako aldean ikusten den zonalde iluna da. Ekialdera eguzki sarreren eta mendabaldera sorreran. Zonalde hori horizonte inguruan egoten de eta beste banda larrosa izaten du gainetik. Hori da Artizarraren gerrikoa.

Ez dugu Artizarra bere izena daraman gerriko honetan inoiz ikusiko. Merkurio da Juan Carlos Casadoren argazkian agertzen dena, baina antzeko mugimendua egiten du Artizarrak. Hori dela eta, eguzki sarreran edo sorreran ezin da inoiz kontrako horizontean aurkitu.

Merkurio mendebaldean | Egilea: Juan Carlos Casado

Dena den, bereziagoa da banda iluna Artizarraren gerriko bera baino. Lurraren itzala delako!! Phil Plait (BadAstronomy)ren marrazki honekin ulertuko duzue hobeto.

Lurraren itzala, eguzki sarreran| Egilea: Phil Plait

Itzal hori, logikoa den bezala, igotzen doa gaua datorren heinean. Jeff Sullivanen timelapse honetan oso ondo ikusten da.

Mono Lake Sunset Full Moon Rise January 2013 (HD) from Jeff Sullivan on Vimeo.

Sarrera honen ideia tiempo.com en bideo hau ikustean etorri zait. Baina bi kale daude bertan. Zeintzuk?

Artizarra mugimenduan

Manu Arregi Biziola — Mon, 12 Mar 2012 07:20:26 +0000

Behin baino gehiagota proposatu dugu blog honetatik planeten mugimendua jarraitzera, Jupiterrekin, gehiengotan. Epe ertainera burutzeko behaketak ziren, aste batzuk behar izaten direlako planeta urrutien mugimendua nabaritzeko. Baina Artizarrak, aste honetan, bere mugimendua jarraitzeko aukera eskaintzen digu, egun batetik bestera, Jupiterren erreferentziaren laguntzaz.

Blog honetan jarritako etxeko lanak bete badituzue, jakingo duzue non dauden Jupiter eta Artizarra, ilunabarrean. Mendebaldera, oso distiratsu. Gerturatzen joan direla nabarituko zenuten. Ba aste honetan Artizarrak Jupiter harrapo eta “pasatu” egingo du, eta altuera handiagora jarriko da. Hau da aurreko asteko planeta hauen posizioa, A Coruñako Agrupación Astronómica Ioko Oscar Blancoren argazki eder honetan.

Jupiter-Artizarra konjuntzioa, 2012ko martxoa. Egilea: Oscar Blanco, A Coruña

Eta horrela zegoen bart. Rolando Ligustri, Italiatik

Egilea: Rolando Ligustri

Hau izango da aste honetako mugimenduen sekuentzia. Azkar mugitzen da Artizarra. Jupiter ere mugitzen da, baina ez da nabaritzen astebeteko epean. Gertuago dago Artizarra.

2012ko martxoaren 12an

2012ko martxoaren 15ean

2012ko martxoaren 18an

2012ko martxoaren 21ean

2012ko martxoaren 24an

2012ko martxoaren 26an

Planetan dantza, argazkietan

Manu Arregi Biziola — Fri, 02 Mar 2012 10:34:00 +0000

Egun hauetan ikusten ari garen planeten konjuntzioaren argazkiak gaurkoan. Datozen egunetak izango dira Merkurio begibistaz ikusteko momenturik onenak. Aprobetxatu.

Durangoko Astronomia Gelako Esteban Estebanek, Bilbotik harrapatu zuen Merkurio, Iberdrola dorrearekin batera. Otsailaren 22an.

Merkurio eta ilgora, Bilbotik. Egilea: Esteban Esteban

Merkurio Bilbotik. Egilea: Esteban Esteban

Jupiter, Artizarra, Ilargia eta Merkurio, Méxicotik,otsailaren 23an. Egilea: Saul Grijalva Varillas

Hellín-eko (Albacete) IES Izpisúa Belmonteko irakaslea den Jose Ramón Saezek, konjuntzioaren argazki hau lortu du. Jupiter, Artizarra eta, teilatuetatik gertu, Merkurio.

Jupiter, Artizarra, Ilargia eta Merkurio, Hellínetik, otsailaren 26an. Egilea: Ramón Saez

Baina beti dago nor piska bat urrutiago doan. Agrupación Astronómica de la Región de Murciako Pedro Andanuche Ayalak, Puerto Lumbrerasen (Murcia) dagoen Cabezo de la Jarako behatokitik Urano ere hor dagoela erakusten digu.

Planeten konjuntzioa, otsailaren 26an. Egilea: Pedro Andanuche Ayala

Manolo Castillok, berriz, otsailaren 25ean Ilargia Artizarretik gertu zegoela aprobetxatuz, egunez ikusi zuen. Hemen froga.

Artizarra eta Ilargia, egunez. Otsailaren 25ean. Egilea: Manuel Castillo

Eta hemen bere beste argazki bat, gauez. Chiclanatik (Cádiz), Torre del Puerco-rekin batera.

Konjuntzioa, Chiclanatik. 2012ko otsailaren 24an. Autor: Manuel Castillo

Amaitzeko Ilatargi Astronomia Taldeko kidea den Itziar Egigurenen argazkia, Oñatitik. Hor da, kasu honetan ere, Urano.

2012ko otsailaren 27an. Egilea: Itziar Egiguren

Planeten dantza, ilunabarrean

Manu Arregi Biziola — Mon, 27 Feb 2012 16:00:46 +0000

Astebukaeran ez dugu eguraldi aproposik izan, baina antizikloa gain gainean dugunez berriz, ilunabarretako planetan konjuntzioa jarraitzeko aukera izango dugu, datozen egunetan. Inguruan ibiliko da Ilargia. Baita ikusteko hain konplikatua den Merkurio planeta.

Merkurio ikusi ahal izateko, ezin bestekoa da horizonte laua izatea. Panorama hau izango dugu datozen ilunabarretan, mendebaldera begiratuz.

2012ko otsailaren 27an

2012ko martxoaren 2an

Martxoaren 5ean izango dira Merkurio ikusteko baldintza onenak.

2012ko martxoaren 5an

Ordutik aurrera, eta astebeteko epean, Jupiter eta Artizarra gerturatzen joango dira. 14 izango dute distantziarik laburrena, 3º ingurukoa. 6 bat ilargi heren artean.

2012ko martxoaren 14an

Showari amaiera emateko, martxoaren 25ean argazki eder hau ateratzeko aukera izango dugu. Jupiter, Artizarra eta Ilargia Orion, Sirio eta Tauro ondoan. Ederra izango da!!

2012ko martxoaren 25ean

Artizarra eta Uranoren arteko konjuntzioa, argazkietan

Manu Arregi Biziola — Tue, 14 Feb 2012 17:25:45 +0000

Ezin izan genuen guk ikusi baina hemen duzue, argazkietan, joan zen asteko Artizarra eta Uranoren arteko konjuntzioa.

A Coruñako Agrupación Astronómica Íoko Oscar Blancok bere etxetik atera zuen argazki hau. Canon 50D kamera eta teleskopiorik gabe. Oraingoan Urano ikustea zein erreza zen erakustea nahi zuen. Baita lortu ere.

Artizarra eta Urano, A Coruñatik. Egilea: Oscar Blanco 2012-02-9

Sevillako Jesús eta Pepak ere jaso zuen konjuntzioa. Argazkian eta marrazkian. Heren blogean duzue kronika osoa: Urano a tiro de piedra de Venus

Artizarra eta Urano Bresser 20x80 prismatikoetatik ikusita. Egileak: Jesus&Pepa

Artizarra eta Urano SevillatikCanon EOS 400 + SW ED80. Egileak: Jesus&Pepa . Crédito: Jesus&Pepa

Eta, nola ez, badugu Valenciako Aras de Los Olmosen dagoen La Cambrako behatokitik Joanma Bullónen argazkia. Ona baita.

Artizarra eta Urano Aras de los Olmosetik. Egilea: Joanma Bullón y Emilio Badimón

Urano ikusteko aukera bikaina, bihar, otsailaren 9a

Manu Arregi Biziola — Wed, 08 Feb 2012 18:52:30 +0000

Orain dela gutxi Artizarraren laguntzaz Neptuno ikusteko aukera izan bagenuen, bihar Artizarra (Venus) Uranotik gertu egongo da eta ez da, inguruan, antzeko izarrik egongo. Erraza izango da, beraz, Urano aurkitzea eta behaketa eremu berean ikusteko aukera izango dugu.

Artizarra aurkitu behar da aurrena. Oso erraza da, ilunabarreko zeruan Eguzkia sartu den ingurura begiratzen badugu, han ikusiko duzuen “izarrik” distiratsuena da Artizarra.

Non gauden jakiteko Piscisen dago, momentu honetan, Artizarra, Acuarioren gainean.

Hau izango da prismatikoetatik ikusiko duguna. Kontuz, teleskopioan irudiak alderantziz ikusten bai dira. Alderantziz izango duzue, beraz, irudi hau.

Ilargiaren diametro batera edo izango dira biak.

Animatu, erraza da eta. Artizarrera begiratu prismatikoekin eta han, ondoan, izango da Urano. Antzematen diozue kolorerik? Berde-urdina dela diote…

Artizarra eta Neptuno, argazki berean

Manu Arregi Biziola — Tue, 17 Jan 2012 12:00:53 +0000

Aurreko ostiralean abisatu genuen bezala Neptuno ikusteko aukera paregabea genuen astebukaeran, Artizarraren ondoan zegoelako. Azkar mugitzen da Artizarra eta urruti dago Neptunotik orain (6 gradutik gora).

Konjuntzioaren irudiekin gatoz gaurkoan.

Argentinatik heltzen zaigu aurrena eta Enzo De Bernardini da bere egilea. Urtarrilaren 13koa da argazkia, 0:10 UTtan ateratakoa. Canon EOS 300D kamera eta 80 mm F/5 teleskopio refraktorearen bidez ateratakoa. 8 x 10 segundoko esposizioa ISO-100. Enzok aipatzen dituen beste datu batzuk: Artizarra (magnitudea-4.0) eta Neptuno (magnitudea +8.0). Bien arteko banaketa: 1.2°.

Artizarra-Neptuno konjuntzioa , 2012-01-13. Egilea: Enzo De Bernardini

Agrupación Astronómica de la Región de Murciako Pedro Andanuche Ayalak, ElUniversoParaQueLoDescubrasen argitaratu du beste irudi bat, urtarrilaren 4koa kasu horretan, 18:46 UTtan. Canon 50D kamera eta 18-200 mm objektiboa f200ra. 8 eta 12sko bi irudien batura ISO 1600ra. Orientazio derberdina dute bi argazkiek, hemisferio aldaketa dela eta. Baina antzematen da Artizarraren mugimendu azkarra.

Artizarra-Neptuno konjuntzioa , 2012-01-14. Egilea: Pedro Andanuche

Hemen duzue ebakita eta biratuta, Artizarraren Neptuno eta iota Aquariiekiko desplazamendua nabaritzeko.

Neptuno ikusteko aukera, gaur

Manu Arregi Biziola — Fri, 13 Jan 2012 11:33:35 +0000

Ez da oso erraza izango baina, datorren gauak Neptuno ohi baino errazago bilatzeko aukera eskaintzen du. Prismatikoekin ere, bere 8. magnitudeak posible egiten duelako, oso zeru kutsatua ez badugu.

Izar arrunt baten itxura du Neptuno eta, hori dela eta, mapak erabili behar dira aurkitzeko. Gaur gauean Artizarra dagoenez bere ondoan, lana errazagoa izango da. Horrela ikusiko da Bergaratik (Guipuzcoa), gaur 19:00tan (18:00 UT). Beste edozein lekutatik ere, oso antzera.

Hegomendebaldean ilunabar hauetan ikusten den “izar” distiratsua, hori da Artizarra (Venus). Eta gradu batera (bi Ilargi bete, gutxi gora behera), da Neptuno. Hemen mapa bat, Astrobobetik hartutakoa.

Venus y Neptuno, enero de 2012

Neptuno “parpadeatzen” ez duen izarra izango da. Ez da behaketa espektakularra izango, baina bai bitxia. Ez du jende askok ikusi gure sistemako azken planeta.

Iturria: Astrobob