NabigatzaileaSin categoría – Nabigatzailea

Eguzki beltzune bat begibistaz ikusgai (babes egoki erabiliz)

Manu Arregi Biziola — Tue, 19 Nov 2013 21:22:15 +0000

Nahiko animatuta dabil eguzkia azen egunetan. Eta hor du beltzune erraldoi bat begi bistaz ikus daitekeena. Horretarako behar diren filtroak erabiliz, noski. Erdian da eta aukera ona da datozen egunetan zehar mugitzen ikusteko, eguzki errotazioa dela eta. Hemen duzue nola izan den orainarte.

Ordu aldaketa: ez gara aklaratzen oraindik

Manu Arregi Biziola — Sun, 10 Nov 2013 21:44:10 +0000

Pare bat aste goaz ordutegi berriarekin. Eta garbi dago ez garela oraindik aklaratzen. Adibide bezala, tuit hau.

Motzean: ez baduzue oraingo hau gustoko, kontutan izan Britaina Handiko ordu eremu bera jarriko bagenu, ordu bat gutxiago markatuko zuten gure erlojuek orain. Eta, tuit horrek dioena horrela bata, aratsaldeko 5etan piztuko beharko genuke argia.

Bi historio bitxi eguzki eklipsearen inguruan

Manu Arregi Biziola — Sun, 10 Nov 2013 13:44:04 +0000

Gulu, Uganda, 2013ko azaroaren 3an | Egilea: Janne Pyykkö

Norberak bere erara bizi du eklipsea. Benetan bitxia da Janne Pyykkö finlandiarrak nola bizi izan zuen. Gulu-ra, (Uganda) eklipse bezperan hendu zen. Eta Irene izeneko neska gaztea ezagutu zuen han. Irene da artikulu honen sarreran agertzen den neskatoa. Argazkia ikusiz, beste argazki eder bat bezala hartuko genuke. Baina ikusi bideoan nola bizi izan zuten protagonista biak eklipse laburra. 4min15ko bideoa da baina, ez baduzue eklipse osoa ikustea nahi, ikusi hasieta eta berriz 3m00-tik aurrera. Pazientzia ederra Irenena. Eta hori bai bitxia Jannek eklipsea bizitzeko duena.

Grazia gutxiago du bigarren historiak. Eklipsea ikusteko jarri genuen link bat Gloria projectena zen. Ez zuten zorte askorik izan. Bideoan azalpenak. Kokatzeko, hemen dugu Miquel Serra-Ricart eklipse aurretik ingurua nolakoa den azalduz:

Eta hemen gertatutakoa. 19 minutuko bideoa da eta ez du irudi askorik. Hemen interesgarriena:

4m15 – 5m20 Eklipse aurretik eguraldi ona dutela azaltzen du Miquel-ek

10m05 – 11m20 Gertatutakoa azaltzen du Miquel-ek. Ez dute zorte handirik izan. Ikusi ze itxura duten herak.

13m40 . 14m15 Zortea dute azkeneko momentuan eta ikusten dute, lanoartean, eklipsea.

16m15 – 19m15 Ikusi dutena azaltzen du Miquel-ek. Integesgarria bukaerararte, irudirik ez dagoenean ere, ahotsa entzuten delako, heren arteko komentarioak.

Amaitzeko Juan Carlos Casadoren zenbait argazki. Hain baldintza kaxkarretan ere, irudi eder hauek lortu zituen.

Lago Turkana, Kenia, 2013ko azaroaren 3an | Kreditua: Juan Carlos Casado/Gloria Project

Lago Turkana, Kenia, 2013ko azaroaren 3an | Kreditua: D. Hernandez, J.C. Casado/Gloria Project

Irudi gehiago: flickr Gloria Project

Azaroaren 3ko eguzki eklipseko argazki bilduma

Manu Arregi Biziola — Tue, 05 Nov 2013 17:08:33 +0000

Atlantiko gainetik, hegalaldi batean, 2013ko azaroaren 3an | Egilea: Ben Cooper

Hortik zehar ikusi ditugun eklipsearen argazki bilduma gaurkoan. 12 laguneko talde batek Falcon 900B alokatu eta Atlantiko erditik ikusi zuten eklipsea, laino guztien gainetik. Ben Cooperren argazki hau da. guretzat eklipsearen argazkirik onena.

Stephan Heinsius-ek, hegalaldi berean, beste sekuentzia hau jaso zuen.

Atlantiko gainetik, hegalaldi batean, 2013ko azaroaren 3an | Egilea: Stephan Heinsius

Ez dago totalidadearen argazki askorik. Motza izan zelako, agian. Hemen ikusi dugun bakarrenetarikoa, Lukas Gornisieiwcz, Ugandatik. 18 segundoko totalidadea besterik ez.

Pokwero, Uganda, 2013ko azaroaren 3an | Egilea: Lukas Gornisieiwcz

Gulu, Uganda, 2013ko azaroaren 3an | Egilea: Janne Pyykkö

New York, USA, 2013ko azaroaren 3an | Egilea: Chris Cook

Bideoei dagokionez, hau onenetarikoa. Florida-tik, eguzki ateratze izugarria.

Nola ikusi zen eklipsea hemendik? Ederrena Torreviejako Proyecto Mastralekoek eginiko bideo hau.

una publicación de Proyecto Mastral – El Tiempo en Torrevieja.

Amaitzeko, gauk ateratako argazkiak. PST batekin eta kamera, zuzenean, okularrean jarriz. Inprobisatutako argazkiak dira, ikustea soilik zelako gure asmoa. Protuberantzia eta guzti atera zaigu.

Gallegos del Campo, Zamora, 2013ko azaroaren 3an | Egilea: Manu Arregi

Eguzki eklipsea, espaziotik ikusita

Manu Arregi Biziola — Tue, 05 Nov 2013 16:55:14 +0000

Eguzki eklipsea, 2013-11-03 | Kreditoa: Eumetsat

Primeran jaso zuen Eumetsateko Meteosatek igandeko eklipsea. 36.000 km-ko altueran dago, orbita geoegonkorrean. Handik irudiak hartu eta geuk sortu dugu animazio hau Animated GIF Generatorrekin. 5 irudi dira, 11:oo eta 15:00 UTC artean.

Zoragarria da han ikusi dugun beste irudi hau ere. 14:00 UTC-tan ateratakoa.

Eguzki eklipsea, 2013-11-0314:00 UTCtan | Kreditoa: Eumetsat

Timelapse at the Pic du Midi Observatory

Manu Arregi Biziola — Wed, 30 Oct 2013 17:29:07 +0000

Timelapse zoragarria Romain Montaigutek Pic du Midiko obserbatoriotik egin duena. Toki berezia txirrindularitza zaleontzat, Col du Tourmalet dagoelako Pic du Midiren azpian.

Timelapse at the Pic du Midi Observatory from Romain Montaigut on Vimeo.

Gracias, Olivier Thizy

James Randi: “La ciencia y lo paranormal: un mago en el laboratorio”, hitzaldia

Manu Arregi Biziola — Wed, 30 Oct 2013 17:26:57 +0000

2012ko maiatzaren 14an eta Círculo Escéptico, Universidad de Deusto, Fundación Educativa James Randi eta El Correo egunkariak James Randi handiaren hitzaldi bat antolatu zuten Bilbon: “La ciencia y lo paranormal: un mago en el laboratorio”. Gaztelaniara itzulita dago hitzaldia. Luzea da, baina merezi du Randi akzioak ikustea

Adventure Is Calling, Shane Black-en timelapsea

Manu Arregi Biziola — Tue, 29 Oct 2013 15:33:50 +0000

Shane Black-ek, sekulako bidaia egin zuen pasa den udan: bi hilabete Estatu batuetako 32 estatutik zehar, 13 parke bisitatuz 13.000 kilometrotako bidaian Dodge Caravan batean.

Ikusi zituzten zenbait leku zoragarriren testimonia da timelapse hau. Gau sekuentzia dexente ditu timelapseak. Ze enbidia!

Adventure Is Calling from Shane Black on Vimeo.

Manu Arregi Biziola — Mon, 28 Oct 2013 21:57:37 +0000

Igarotze hirukoitza Jupiterren, 2013ko urriaren 12an | Kreditua: Aula EspaZio Gela

Urriaren 11tik 12rako gauean igarotze irukoitza egon zen Jupiterren, hemen iragari genuen bezala. Ez da sarean horren irudi askorik ikusi. Ez zuten aukera galdu EHUko Aula EspaZio Gelakoek. Agustín Sánchez-Lavega, Aula-ko eta Grupo de Ciencias Planetarias de la UPV/EHUeko zuzendari berak atera zituen irudiak Aulako Celestron 11″-arekin. Txarra zen seeinga eta ezaun da hori irudietan, baina hor da, behintzat, igarotzea. Zenbait detaile azpimarratzen ditu Agustín berak:

– zein luzea den Calistoren itzala, gertaeraren geometriagatik

– Ioren abiadura, Europarena baino handiagoa, gertuago dagoelako

– Jupiterren errotazio azkarra

Bitxia eta pozgarria da Agustín Sanchéz-Lavega bezalako ikerlari handi batek kuriosidadea izatea eta bera, pertsonaki, ateratzea irudi hauek hain ordu ezerosotan. Bikaina.

Igarotze hirukoitza Jupiterren, 2013ko urriaren 12an | Kreditua: Aula EspaZio Gela

Sarean ikusi ditugun irudien artean, bi hauek azpimarratzen ditugu. Animazio hau, Jan Koet-en eskutik, Wateringen-tik (Holanda):

Eta Diego Gonzalez-en marrazki eder hau (Observación Astronómica)

Igarotze hirukoitza Jupiterren, 2013ko urriaren 12an | Kreditua: Diego Gonzalez

Ilusio optikoak, Hondaren eskutik

Manu Arregi Biziola — Sun, 27 Oct 2013 13:39:28 +0000

Ikusgarria Hondaren iragarpen hau. Ilusio optiko ezagun batzuk dira iragarpenaren oinarri. Merezi du, gero, nola egin zen ikustea.

Horrela egin zen: