Enzo De Bernardini, SurAstronómicoko kide argentinarra berriro dator blog honetara lan zoragarri batekin. Jarri genuen, orain dela aste gutxi, bere beste lan bat, Hubble Pleiaden ondotik pasatzen eta Iridium satelite baten flasha.

Pasa den otsailaren 24an hemen behean doan animazioa egin zuen. Bertan Vesta asteroidea ikus dezakezue, ordu eta erdian egiten duen bidaiatxoa erakutsiz. 10 minututik behin hartutako irudiekin egin du muntaketa, esposizio bakoitza 30 segundokoa izanik. Buenos Airesetik eta 203mm teleskopio erreflektore batekin. Web orri originalean datu gehiago.