2009an ospatu zen Astronomiaren urtearen proiektu arrakastatsuenetariko bat  urte horretako martxoaren 26an burututako Lurraren erradioaren neurketa izan zen. Pere Closasen eskutik, neurketa hartan parte hartu genuen guztiok oroitzapen ezin hobea gordetzen dugu.

Urte berean Argentinan Proyecto Eratóstenes deiturikoa martxan jarri zen, Departamento de Física de la Facultad de Ciencias Exactas y Naturales de la Universidad de Buenos Aires (Argentina), Laboratorio Pie-rre Auger, Universidad Tecnológica Nacional, Regional Mendoza (Argentina) eta Asociación Física Argentinak bultzatuta.

Aurrera jarraitu du Proyecto Eratóstenes proiektuak urte hauetan eta joan zen urtean, estatu mailako bi ikastetxek parte hartu genuen neurketan. Úbeda-ko (Jaén) Colegio Salesiano Santo Domingo Savio, eta Bergarako Aranzadi Ikastola.

Esperientzia aberasgarria izan zen ikasleentzat, itsasoaren beste aldeko ikaslerekin elkarlanean egin genuelako neurketa. Partside guztien neurketaz gain, binaka egiteko aukera ematen dutelako, Hegoamerikako ikastetxeekin kontaktu zuzenean.

Izena emateko epea abuztuaren 20rarte da. Neurketak , berriz, irailaren 14tik 24ra izango dira.

• Aurtengo neurketaren inguruko informazioa: Proyecto Eratóstenes 2013
• Informazio orokorra eta harremanetarako kontaktua: Proyecto Eratóstenes
• Izen ematea: Registro medida 2013

Hemen iazko partaide batzuk, argazkietan.

Aranzadi Ikastola | Bergara (Gipuzkoa)

Colegio Salesiano Santo Domingo Savio | Úbeda (Jaén)

 CENM| Rio de Janeiro, Brasil

Instituto Fray Mamerto | Buenos Aires, Argentina

Santa Eufemia | Cordoba, Argentina