Artizarraren fasea, prismatikoekin ikusgai | Nabigatzailea - Blog elcorreo.com https://blogs.elcorreo.com/nabigatzailea Astronomia, fisika eta zientziaren inguruko bloga Sat, 24 Aug 2019 19:07:12 +0000 https://wordpress.org/?v=5.9.10 Artizarraren fasea, prismatikoekin ikusgai | Nabigatzailea - Blog elcorreo.com https://blogs.elcorreo.com/nabigatzailea/2010/10/07/artizarraren-fasea-prismatikoekin-ikusgai/ https://blogs.elcorreo.com/nabigatzailea/2010/10/07/artizarraren-fasea-prismatikoekin-ikusgai/#respond Thu, 07 Oct 2010 10:48:00 +0000 Manu Arregi Biziola http://blogs.elcorreo.com/nabigatzailea/?p=231

Artizarrari begira ibili ginen atzo ere. Hirugarren eguna jarraian planeta egun argiz ikusten dugula. Konplikatzen doa gauza, itxuraz Eguzkira gerturatzen ari delako. Baina posible da. Saiatu, hori bai, Artizarra zein ingurutan ibili behar den aurkitu eta gero, Eguzkia etxe baten atzean edo ezkutatzen.

35ºtako distantzia bazegoen Eguzkia eta Artizarraren artean irailaren 30ean, atzo 30ºtakoa zen. Hemen duzue, Stellariumarekin neurtua.

Stellariumen azkeneko bertsiotan dagoen tresna horrekin zuen aurreikuspenak egin ditzakezue datozen egunetarako, kontutan izanda eskuarekin angeluak neurtzeko “neurri” hauek. Eskua luze-luze jarri behar da.

Agrupación Ioko Oscar Blancok, Artizarraren fasea prismatikoekin ikusteko aukera dagoela komentatu zuen foro batean. Hori irakurri eta prismatikoak armairutik ateratzea dena bat izan zen. Eta han zegoen Artizarraren oraingo fase fin ederra bistan. Atzoko argazki honek erakusten du nola ikusten den fasea.

Etxean teleskopioa baduzue hobe. Edo eta Galileoskopioarekin. Probatu eta kontatu.

Irailaren 11an ateratako argazki bat bidaltzen digu irakurle batek. Ilargi fin-fin bat Artizarraren ondoan ikusgai. Ikusten ahal dituzue?

Hemen irudi bera, handituta

]]> https://blogs.elcorreo.com/nabigatzailea/2010/10/07/artizarraren-fasea-prismatikoekin-ikusgai/feed/ 0 231open