Laurent Lavader gure astro-argazkilari faboritoenetariko bat da. Denbora asko egon da pixheaven bere webean ezer argitaratu gabe, baina indarrez itzuli da. Pasa den irailaren 23ko argazki batzuk argitaratu berri ditu, Ilargi beteko gaua eta udazkeneko lehenengo eguna.

12 irudirekin osaturiko argazkia da eta Bratañako Quimper herrian ateratakoak dira. Canon 5D MarkII, Sigma 100-300 objetiboa, 100 mmko fokalarekin.

Argazki originala da lehena. Irudi bera bigarrena, baina etiketekin. Argazkiaren detailea, hirugarrenean, non Jupiter (Io eta Ganimedes, bere sateliteekin) eta Urano ikusten diren. Jupiter lehehengo argazkian eskuinean ikusten den “izar” bakarra da.

Orain argitaratu dituen argazkien artean, bat benetan bitxia: Ilargia piruleta bat bezala erretratatua, itxasontzi txiki baten mastilak egiten du makiltxoarena. Honekin esaten dugu agur gaur, baina bihar Lavender beraren beste argazki batzuekin itzuliko gara. Ilargia izango da protagonista biharkoan, azkeneko argazki honen estilo bereko beste irudi batzuekin.