Albiste ona. Aurreikuspenak betetzen badira, hile honen bukaeratik aurrera eta urrian zehar kometa bat begi-bistaz ikusteko moduan gaude (leku ilunetatik, hori bai). 1986an Malcolm Hartleyk aurkitutako 103P/Hartley kometa da.

6 urte eta erdi inguruko periodoa du kometa honek, nahiko laburra. Eta nahiko txikia, 1,5 km inguruko erradioarekin duela kalkulatzen da. Hori dela eta, ez ohi da aurreko agerraldietan oso distiratsua izan. Hemen dituzue aurreko agerraldien argazki eta komentarioak. Desberdina izango da oraingoan, Lurretik nahiko gertu pasa behar delako, 18 000 000 km ingurura. Hori dela eta, 5. magnitudera helduko dela kalkulatzen da. Ikusgai, beraz, prismatikoekin eta begi-bistaz leku ilunetatik. Irudian duzue wikipediatik hartutako irudia, zein gertu pasako den erakusten duena.

Dena ezin ona izan eta albiste txarra Ilargiak dakar, betea egongo delako 23an eta nahiko handi aurreko aste osoan, kometa ikusteko aproposena izango dena. Baina kometa ia gau osoan zehar ikusiko denez, urriaren 15tetik aurrera, gauaren azkeneko ordutan, izango ditugu kometa ikusteko aukerarik onena, ordu horretan ez bai da ilargirik egongo.

Egia esanda, 5. magnitudeko kometak ez dira batere ikusgarriak izaten. Baina, hau nahiko gertutik pasako denez, txikia izan arren aukera dago buztan luzeren bat erakusteko. Ezin aurreratu hori zein neurritan izango den horrela, izango duen aktibitatearen menpe bai dago. Hemen dituzue kometaren ibilbidea erakusten duten astronomotik hartutako grafiko batzuk

Urriaren 7anPerseoko Kumulu Bikoitzaren ondotik pasako da kometa. Aukera ona ikusteko edota argazki ederren bat ateratzeko. Skyhound eta hemen dituzue mapa zehatzagoak.

Posible da, baita kometa hau Stellariumen sartzea. Stellarium\data\n dagoen ssystem.ini artxiboa zabaldu eta bukaeran aquí duzuen testua txartatu.

Bitxikeri bezala, esan EPOXI misioak Hartley kometa aztertuko duela azaroaren 4an bertara gerturatuko den ontzi batekin.

Irailaren 8ko Joan Manel Bullónen argazki bat amaitzeko. Kometa irudiaren erdian dago. Jarraituko dugu blogean kometa honen eboluzioa. Ea zortea dugun eta kometatxo hau ikusgarri bihurtzen den.