Azkeneko hilabetean ez bezala, aurreko astetik berriz dugu aukera ISSa gauaren lehenengo ordutan ikusteko. Bere orbitaren berezitasunak direla eta hilabete batez gauaren hasieran ikusi ahal dugu eta gauaren azkeneko orduetan hurrengoan. Alderantziz izaten da beste hemisferioan. Ikusteko nola egin behar den jakiteko, irakurri orain dela hilabete batzuk idatzi genuen posta: Ikusi ISS-a, oso erraza da. Apirila hasieran dago aurreikusita transbordadore espazialaren hurrengo misioa. Adi egongo gara, ederra izaten delako ISS eta transbordadorea batera pasatzen ikustea. Eta aukera gutxi gelditzen dira, planak aldatzen ez badira, transbordadore espazialei 4 misio besterik ez zaie gelditzen.

ISS eta transbordadore espazialaren argazki batzuk erakustera gatoz gaurkoan, Lurretik ateratakoak. Ordu eta erdi inguru behar du ISSak orbita bat osatzeko.Horrek esan nahi du, egunean bizpahiru aldiz pasatzen dela ISS gure zerutatik, ez beti behar den altuerara. Hala ere,gaueko lehen edota azken orduan besterik ezin dugu ikusi, une horretan (eta ez beti) islatzen duelako ISSak eguzkiaren argia behar bezala.

Badira horrez gain, beste aukera batzuk ISSa Lurretik ikusteko, teleskopiotik, hori bai. Ez da erraza parean tokatzea baina,noizean behin, ISSa Eguzkiaren aurretik pasatzen da. Nekez gertatuko da hori bizi baren lekutik. Egiten ohi dena CalSKY da, biz igaren lekutik gertu horrelakorik gertatuk oden ikusteko. Badira batzuk 100 km egiten dituztenak horrelako igarotzeak ikusteko.

Ikusiko duzuen lehenengo irudiak gure lagun argentinarren eskutik datoz, beste behin ere. Enzo De Bernardini-z gain, Ezequiel Bellochio, Adriana Fernández, Alejandro Tombolini, Agustín Tombolini eta Leonardo Julio-k osatzen dute egileen taldea. Buenos Aireseko probintzian dagoen Cortines-era joan ziren argentinarrak aurreko martxoaren 7an. Detaile gehiago web orri honetan.

Beti dago nor urrutiago joaten dena. Horrelako argazkirik ikusgarrienak Thierry Legault-enak dira. Hemen 2009ko uztailaren 26an ateratako argazkia. Izugarria!!

Baditu beste lan zoragarri batzuk Thierry-k 2009ko maiatzean Atlantis transbordadorea espazioko Hubble teleskopioa konpontzera abiatu zen. Thierry-k zere gin eta eguzkia urreko Atlantis transbordadorearen igarotzea jaso zuen Floridatik. Eta berriz ere transbordadorea Hubblera iristear zegoela. Detaile gehiagorako, jo bere web orrira.

Hitzik gabe gelditzen gara. 2006an ere jaso zuan beste irudi ikaragarri bat. Atlantis transbordadorea ISSra iristeko maniobrak egiten, Eguzki aurrean. Nabaria da nola aldatu den ISSa ordutik ona. ISSa poliki-poliki eraikitzen joan dira eta oso gutxi falta da amaitzeko.

Luze doia hau. Bihar gehiago.