Urtero bezala, aurreko astean Ilatargi Astronomia Taldea Oñatiko Txantxiku Ikastolako 5. mailako neska-mutikoei Astronomia gerturatzen saiatu ginen. Arratsaldean saio bat gelan, 10 urteko ikasle hauei astronomia kontzeptu batzuk irakasteko. Zergatik ikusten ditugu izar ezberdinak urtean zehar? Zela aldatzen da zerua gau batean? Zein kostelazio ikusiko ditugu gaur? Planetarik ikusgai ba al dago? Ordu eta erdiko klase bat non neska-mutikoek kontelazioak aurkezpenean agertu ahala mapa mutu batean pintatzen joan behar diren, konstelazioak marraztea ezagutu eta gogoratzeko erarik zuzenena dela uste dugulako. Sesio amaieran, parakaidasa duen ur kohete bat bota genuen plazan. Ikusgarria eta dibertigarria, beti.

Eguraldiak lagun, gau horretan bertan joan ginen herekin behaketa egitera. Herritik oinez joateko moduko leku batean egiten saiatzen gara. Zoritxarrez argi kutsadura handia dago lehen erabiltzen genituen lekutan. San Martinetik egiten genuen lehen, baina urbanizazio berri batek eta futbol zelaiko argitasunak lekuari lehengo xarma eta iluntasuna kendu dizkio. Handik kanposatu atzealdera joan ginen, baina jarri berri dituzten argiek argiz kutsatu du leku hori ere. Zorionez, badira oraindik Oñatin toki aproposak horrelakoetarako eta ostegunean lehen aldiz erabili genuena, Zumeltzegiko Dorretik gertu, oso egokia da. Ez espero bertatik Esne Bidea ikustea, baina tira.

Ikasle, guraso eta irakasleen artean 50 lagunetik gora elkartuko ginen hiru teleskopioren inguruan. LX200 12″-a, etxean egindako dobson-a eta Galileoscope bat. Irudirik ikusgarrienak lehenengo bietatik ikusi ahal izan ziren, baina Galileoscopeak Galileok bere teleskopioarekin ikusi zuena erakusten du. Dexente hobeto, egia esanda, berak ez zuelako hain lente onak egitea lortu, Galileoscopearenak plastikozkoak izan arren.

Behaketa 7tatik ia 9rarte luzatu zen, teleskopietik Ilargia, Jupiter, Albireo izar bikoitza eta NGC457, estralurtarra izar kumulu kuriosoa ikusiz. Oso gau atsegina izan zen. Sorpresa atsegina izan zen niretzat neska batek gelan azaldutako Plato kraterra teleskopiotik ikusi zuela esateak edota beste batek Albireoko izar bikoitzaren koloreak urrezkoa eta zilarrekoa bezala deskribatzea.

Hurrengo egunetan irakasle, guraso eta baina ikasleen aitajaun/amandria batzuek neska-mutikoak zelako pozik joan ziren etxera komentatu ziguten kalean. Beraz Jabier, Iñigo, Itziar eta Gari (bertan egon ziren taldeko kideak), zorionak. Gustora egiten dugu aktibitatea, baina gustorago gelditzen zara pena merezi izan duela jakiten duzunean.

Behaketak irauten zuen bitartean, lanean jarri genuen kamera. 13″-ko espozizioa 1600 ISO, topera zabalik diafragma (2.8) eta argazki bat 26″ segunduro. 215 argazki19h04 eta 20h44 artean. Argazkiekin hor behean ikusi ahal duzuen timelapsea montatu dugu Virtual Dub programarekin eta 6 fotograma segunduko. Behaketaren amaiera aldera ihintza sortu zen kamara eta teleskopioetan, baina argazki horiek ere sekuentzian sartzea erabaki dugu, gau horretan gertatu zena erakusteko asmoz egin dugulako. Hobeto ikusi ahal izateko, joan ona eta pantaila osora ikusi, soinuarekin. Musika Johann Sebastian Bach-ena da, Sonata For Oboe Da Caccia And Harpsichord In F Major Fourth Movement.

Bideoaren ostean gau horretan ateratako argazki batzuk dauzkazue. 13 eta 30 segundu arteko esposiziokoak, lehengo kamera eta datu berdinekin. Behaketan zehar ateratakoa lehena eta amaitu ondorengoak besteak. Erraz ikusten dira argazkietan Ipar Koroa, Perseo, Taurus, Idizaina eta Pleiadeak. Ikusten al dituzue?