2009. urtea Astronomiaren urtea bezala izendatu zuen UNESCOk Galileok bere katalejoarekin orain dela 400 urte zerua miatzen hasi zela ospatzeko. Hori dela eta, Vaticanoko Hiriak 2 euroko 106.084 txanponeko serie bat kaleratu du, hemen ondoan ikus dezakezuena. Hobeto ikusi ahal izateko, post honen bukaeran handiago duzue.

Ikusi eta berehala, zera etorri zitzaigun burura: eta Galileo? Bigarren intentzio batekin diseinatu ahal dute txanpona? Nekez ziurtatu dezakegu ezer Orietta Rossi diseinatzailearen burutik hau egiterakoan zer pasatu zen jakin gabe.Baina ez dugu uste bigarren intentziorik duenik. Ez dago Galileo, baina bai bere teleskopioak, bigarren koadrantean. Hemen ondoko irudian daude eta Florentziako Museo di Storia della Scienzan bisitagai.

Eta beste guztia zer da? Ba lehenengo begiradan uste duguna baino gehiago. Txanponak itsasoko astrolabio baten forma du, itsasoko orientazioan erabiltzeko astrolabio klasikoaren egokitzapen bat. Irudian ikus dezakezue nolakoa den eta zela erabiltzen zen. Hala ere, ez dakigu zergati kez dagoen osorik. Hirugarren koadrantean agertzen den makilatxoa jarraipen aizan beharko zuen lehenengo koadrantean.

Vaticanok ateratzen duen txanpona izanik, hor daude erreferentzia erlijiosoak ere. Lehenengo koadrantean agertzen dena Miguel Angelek Capilla Sixtinan pintatu zuen Jaungoikoa da, izar eta planeten jaiotzaren alegoria. Jaungoikoa Eguzkia eta Ilargia sortzen ari da. Jarraiko irudian ikusi ahal duzue. Lehenengoan Capilla Sixtinan kokatu ahal izateko, Adanen sorkuntzaren irudi famatuaren azpian.

Ez diogu laugarren koadrantean agertzen denari zentzu berezirik ikusten. Gaur egungo astronomia zaleek erabiltzen duten montura alemana duen teleskopio moderno bat da.
Bat behar dugula? Irakurri dugunez, Vatikanoko langileen bitartez kaleratzen da. Nork daki. Baina Ebayn lortu ahal da, dagoeneko…60 euron truke.