75 urte beteko zituen Carl Saganek 2009ko azaroaren 9an. Lehehengo Carl Sagan day ozpatu zen orduan. Aurreko larunbatean izan zen. Berandu bada, gaur ozpatzen dugu guk Carl Sagan handiaren eguna. Aurten Cosmos-eko sarrerako musika entzunaz. Ze handiaVangelis.

Hortik zehar ikusi ditugun eklipsearen argazki bilduma gaurkoan. 12 laguneko talde batek Falcon 900B alokatu  eta Atlantiko erditik ikusi zuten eklipsea, laino guztien gainetik. Ben Cooperren argazki hau da. guretzat eklipsearen argazkirik onena.

Stephan Heinsius-ek, hegalaldi berean, beste sekuentzia hau jaso zuen.

Atlantiko gainetik, hegalaldi batean, 2013ko azaroaren 3an | Egilea: Stephan Heinsius

Ez dago totalidadearen argazki askorik. Motza izan zelako, agian. Hemen ikusi dugun bakarrenetarikoa, Lukas Gornisieiwcz, Ugandatik. 18 segundoko totalidadea besterik ez.

Pokwero, Uganda, 2013ko azaroaren 3an | Egilea: Lukas Gornisieiwcz

Gulu, Uganda, 2013ko azaroaren 3an | Egilea:  Janne Pyykkö

New York, USA, 2013ko azaroaren 3an | Egilea:  Chris Cook

Bideoei dagokionez, hau onenetarikoa. Florida-tik, eguzki ateratze izugarria.

Nola ikusi zen eklipsea hemendik? Ederrena Torreviejako Proyecto Mastralekoek eginiko bideo hau. 

Amaitzeko, gauk ateratako argazkiak. PST batekin eta kamera, zuzenean, okularrean jarriz. Inprobisatutako argazkiak dira, ikustea soilik zelako gure asmoa. Protuberantzia eta guzti atera zaigu.

Gallegos del Campo, Zamora, 2013ko azaroaren 3an | Egilea:  Manu Arregi

Gallegos del Campo, Zamora, 2013ko azaroaren 3an | Egilea:  Manu Arregi

Errege bezpera da bihar, eta opari honekin gatoz gaurkoan. 2011ko abenduan, Brian Coxek hitzaldi bikain bat eman zuen Londreseko Royal Institutionean. BBCk eman zuen, gero hitzaldia. Fisika modernoari buruz hitzegin zuen, era entretenigarri batean. Ez baduzue ikusi, oso gomendagarria da ikustea. Ingelesez, azpitituluekin dator, itzulpena kaskar xamarra izan arren. Bi eratara ikus dezakezue:

Osorik:

Edo lau zatitan banatuta:

Lan berria du Alessandro Della Bellak, One Day on Earth: Cold Engadin Time Lapse Night. Bi gauetan zehar jasotako irudiak agertzen dira hemen,  Piz Corvatsch (-25 ° C) eta Piz Nair -en(-15 ° C) St. Moritzetik gertu dagoen Suitzako Engadin bailaran.

Bitxia ikustea eskiatzeko pistak gauez, makinak lanean ari direla.  Geminiden gauak ziren eta jaso ditu batzuk hor.

One Day on Earth: Cold Engadin Time Lapse Night from Alessandro Della Bella on Vimeo.

Osagari bezala, Alessandroren beste timelapse bat, Frenetic Zurich. Ez da astronomikoa, baina ederra baita.

Frenetic Zurich from Alessandro Della Bella on Vimeo.

Barcelonako ASTER  astronomia elkarteko  Jose Muñoz Realesek, ISSaren bideo ikusgarri hau lortzen zuen Hospitalet de Llobregatetik aste honetan. Megrez 80 teleskopioa eta barlow x2.5.

Pantaila osora ikusi, behar den bezala gozatu ahal izateko.

Bikaina!

Ez da besterik izango. Ez guretzat. Artizarraren igarotzea fenomeno bitxia da, 8 urteko aldearekin bi aldiz ematen den, horren ostean 100 urtetan besterik ez egoteko. 2004ko ekainaren 8an izan zen bat hau dator orain, 2012ko ekainaren 5-6an eta hurrengoa 2117ko abenduaren 11an. Ez gara gu hemen izango 105 urte barru.

Zergatik da hain fenomeno arraroa Artizarraren igarotzea? Lurra eta Artizarraren orbitak ez daudelako planu berean. Ikusi ahal izateko, Lurra, Artizarra eta Eguzkia nodo deituriko puntuetan etorri behar dira bat.Hiru hauek gurutzatzen direnean ohikoa Artizarra Eguzkiaren goitik edo azpitik egotea de. Irudia ikusiz ulertuko duzue.

Zer ikusiko dugu guk Euskal Herritik? Ba eguraldia lagun badugu ekainaren 6an Eguzkia Artizarra bere aurrean dugula aterako da. Hemen egoera, gure inguruetan. Eskerran, ilunago dagoen tokietan (Galizia eta), ez dute ezer ikusiko. Eguzkia atera orduko, igarotzea amaituta egongo da. Euskal Herrian, Eguzkia ateratzen denean Artizarra ateratzen astekotan izango da. hau izango da prosezua, Bergaratik:

2012ko ekainaen 6ko Artizarraren igarotzea, peninsulatik. Iturria: http://transitofvenus.nl

Amerikan, berriz, igarotzearen hasiera ikusiko dute. Ekainaren 5ean, eguzki sarreran hasiko da igarotzea. Hegoamerika gehienetik ez dute ezer ikusiko. Iparamerika eta, eguzkia Artizarra aurrean dagoela ikusiko da. Argazki ederrak jasoko ditugu, ziur.

2012ko ekainaen 5eko Artizarraren igarotzea, Amerikatik. Iturria: http://transitofvenus.nl

Norberaren ordutegia hemen begiratu ahal zuzue: Local transit times.

Excelsior III

New  Mexicok izan zen Excelsior III deituriko Joe Kittingerren misioa . Gorantzkoan bere eskumako eskua handitu egin zen, goantea ez zegoelako behar bezala lotuta eta despresurizatu egin zen. Eskua bere tamainaren bikoitzara anditu zela diote, horrek guri gehiegikeri bat iruditu arren. Ez zuen ezer esan, ez bai zuen nahi hori dela eta bere taldeko buruak  misioa bertan behera uztera behartzea.

Espero baino gogorragoa izen lur hartzea, berarekin zeramatzan instrumentu kaxa bat ezin izan zuelako askatu, aurreikusita zeukan bezala. Hori dela eta, hankan hartu zuen min.

,Red Bull Stratosse taldeko  Felix Baumgartner errekorrak hausteko prestatzen ari da. Udan autsi nahi ditu Joeren errekorrak eta froga ikusgarri bat egin zuen pasa den martxoaren 15an prestakuntza programaren barnean. New Mexikon dabil Felix ere eta 15ko frogan 13 kmtako erorketa askea egitea lortu zuen. Hemen saltoaren argazki bat eta bideo. Bideoaren interesgarriena 1:15 minututik aurrera dago.

Egilea: Jay Nemeth, Red Bull Stratos

Baumgartnerrekin da Kittingerabentura honetan. Hemen daude biak, Joek 1960an erabilitako trajea ondoan dutela.

Felix Baumgartner, Joe Kittinger eta 16960an honek erabilitako trajea

Paradoxikoak gara gizakiok. Ez dugu inongo beldurrik ez dakit zer energia arraro igortzen duen power balance bezalako lelokeria bat eskumuturrean jantzita eramateko. Ez dira ba arriskutsuak uhinak? Ilea hasten duelakoan saltzen duten zaldientzako xanpu bat kaleratzen bada ere, hor goaz, buru-belarri, probatzera, xanpu horrek zer duen jakin gabe. Uhin elektromagnetikoez, berriz, beldur gara. Zergatik?

Badira arriskutsuak diren uhin elektromagnetikoak: ionizanteak. X izpiek eta argi ultramoreak frekuentzia altua dute eta, beraz, energia handikoak dira. DNAn kalteak sortzeko gai dira. Kontuz horiekin. Baina besteak ez. Artikulu hau argi naturalaren edo artifizialaren azpian irakurtzen egongo zara. Beldurrik ez? Ba jakin ezazu argi hori dela eta jasotzen duzun energia, inguruko wi-fi eta mugikor guztiena baino gehiago dela. Argi ikuskorra uhin elektromagnetiko bat besterik ez da. Wi-fi eta mugikorretan erabiltzen diren mikrouhinek baino frekuentzia altuagoa duena. Energetikoagoa, beraz. Baina ez arriskutsua, jakina den bezala. Nola izango dira ba orduan kaltegarriak energia gutxiago duten uhin batzuk?*

Mikrouhinak erabiltzen dira wi-fi eta telefonian. Mikrouhin labean bezala. Mikrouhinek, uhin elektromagnetiko guztiak bezala, ur molekulak bibrarazten dituzte ingurua berotuz. Baina potentzia izugarria erabiliz, antenetatik jasotzen duzuna baino milioika aldiz gehiago. Ez da ideia ona Anoetako estadioko foku batera igo eta eskua zentimetro batera ipintzea. Erre egingo zara, mikrouhin labearekin bezala. Baina erre besterik ez.

Paranoiko samarrak gara eta eskoletatik wi-fia kentzeko eskatzen dute askok. Legeak markatzen duen potentzian, ez dago inongo arriskurik. Energia gehiago igortzen dute geletako fluoreszenteek. Zergatik ez kendu horiek?

* Hemen azpian duzun eskeman fijatzen bazara, mikrouhinak infragorria eta irrati uhinen artean daude. Inork ez du protestatzen infragorria dela eta. Inork ez du protestatzen irrati uhinak direla eta (azpaldi hasi ziren irrati emisioak, jakina den bezala, eta ez da arazorik aurkitu). Zergatik eta nola egingo digute zerbait mikrouhinek eta ez besteak? Horrez gain, ez dago inongo ikerketa seriorik horren alde egiten duenik.

C/2009 P1 Garradd kometa, M15 izar multzoaren ondoan (Joanma Bullón)

Eta hemen dugu orain dela gutxi Percha asterismoaren ondotik pasatzen.  Rolando Ligustri italiarra da egilea.

Sarrerari amaiera emateko, hemen dugu Pablo Canedo galiziarrak abuztuaren 27tik 28rako gauean jasotako irudiekin eginiko animazioa. 60″ko 159 irudi dira, 102mmko errefraktore txnatar batekin  eta Atik 314L kamerarekin. A Coruñako Sofánetik.

Hor jarraituko du kometa denbora luzez, abenduaren 23rarte ez baita pasako periheliotik. Zoritxarrez, Eguzkitik nahiko urruti izango du perihelioa, 1.55 AUtara. Eta ez da Lurrera gehiegi gerturatuko. Punturik urbilenak abuztuaren 23an izan zuen bat, 1.39 AUtara eta 1.27 AUtara izango da datorren urteko martxoaren 5ean. Distira handiena otsailean izatea aurreikusten da eta, gauzak orain arte bezala joaten badira, leku ilunetatik begibistaz ikusteko moduan izango da. Oraingoz Skyhounden dituzue bilatzeko behar diren mapak. Ez pentsa buztana ikusiko duzuenik, ahula duelako eta argazkietan besterik ez delako agertzen.